Ikasturte hasiera arintzeko, antzerkia parkean

IKusleak adi-adi 'Beldartxo jatuna' obrari.

Jardunek antolatuta, Didau Antzerki Faktoriak Beldartxo jatuna izeneko obra eskaini zuen Errotalde parkean txikienen gozamenerako.

Azken urteotako ohiturari jarraituz, txikienen ikasturte hasiera kulturaz busti gura izan dute Jardun elkartekoek, eta  Didau Antzerki Faktoriaren Beldartxo jatuna antzezlana aukeratu dute aurten horretarako. Errotalde parkean izan zen atzo arratsaldean 0-6 urte bitarteko umeei zuzenduta dagoen obraren emanaldia,  eta ume zein guraso, jende dezente batu zen bertan.

Besteak beste zuzeneko musika, aktoreen lana eta txotxongiloak uztartu zituen ikuskizunaz gozatu ahal izan zuten handi eta txikiek. Tximeleta bihurtu arte beldar batek bizitakoak kontatzen dira obran eta ikusleek gustuko izan zuten seinale da motza iruditu zitzaiela. Formatu txikiko obren eta herriko parkeak balioan jartzearen aldeko apustua egitea ere bada jardunekoen helburua mota honetako emanaldiekin, eta arduradunak ere gustura agertu dira izandako erantzunarekin.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.