Sardina-janak arrakasta izan du beste behin San Lorentzo auzoan

Bergarako San Lorentzo auzoko jaiak ospatzen ari dira astebukaeran, eta azken urteetan bezala, sardina-janan hainbat eta hainbat auzotar batu ziren bart.

Laino taberna aurrean batu ziren auzotarrak atzo, zapatua, ekitaldi ezberdinekin gozatzeko. Toka txapelketa izan zen eguerdiko izarra, eta arratsaldean, kukañak eta txokolatada ere izan zuten, buruhandiekin batera.

Arratsaldeko 20:00etan ohiko meza izan zen San Lorentzo ermitan, eta gauean, sardina-janaz gozatu zuten auzotarrek arkupean.

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.