Atzo, irailak 1, ospatu zituzten Bergarako Ubera auzoan San Matei jaiak. Ohiko mezaren ostean, txorizoa dastatzeko aukera izan zen, eta baita bolo txapelketa ere. Umeek arrantza-jolasarekin igaro zuten eguerdia.
Urtero moduan 11:00etako mezaren ostean ekin zieten San Matei jaietako ospakizunei Ubera auzoan. Jatekoa eta edatekoa ez zen falta izan meza ostean, eta bolo txapelketan parte hartu zuten hainbatek. Garailea, 5 txirlo bota ondoren, Floren Buruaga izan zen.
Ostean, herri-bazkaria izan zuten soziedadean auzokideek eta Angiozarko trikitilariekin batera dantzaldiaz ere gozatu zuten.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.