Obrak egiterakoan bide publikoa erabiltzeko ordenantza berria onartu du Bergarako Udalak

Obrak egitean edukiontzi, hesi babestzaile, aldamio edota gainontzeko ekipamendu eta materialez bide publikoaren erabilera pribatua edo berezia arautzeko udal ordenantza berria behin betiko onartu du Bergarako Udalak, inongo alegaziorik ez aurkeztu ostean. Ordenantzaren hutsegiteek 100 eta 3.000 euro arteko isunak jaso ahal izango dituzte.

Ordenantza berri horrek zehazten ditu nola egin behar diren: obra itxitura, obra aldamioa, garabi-kamioia, bide publikoan edukiontziak jartzea, masa-siloak jartzea, berdeguneak eta zuhaiztiak babestea, muntatze eta desmuntatze guneak mugatzea, gune publikoaren garbiketa eta hizkuntza irizpideak.

Aurrerantzean, eskatzaileak Udalak duen eskari-eredua bete beharko du eta horrekin batera 1:200 eskalako plano bat aurkeztu beharko du, zeinetan zehaztu beharko duen zer nolako okupazioa izango den eta zein epetan egin gura duen.

Horren arabera, Udaltzaingoak eta udal teknikariek txostena egingo dute, eta baiezkoa bada, fidantza ezarriko zaio.

Helburua da Bergarako eremu publikoan edo erabilera publikoa duten eremuetan izaera pribatua duten zenbait okupazio arautzea; hain zuzen ere, eremu horien erabilera publikoa kaltetua izan ez dadin, lurzoru publikoak, eta erabilera publikoa duten eremu pribatuek ere, legez ezarrita duten erregimen juridikoa errespetatzea eta erabilera pribatuarekin bateragarri diren heinean okupazio hori arautzea.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.