Bergarako udalekuetan antolatutako ekintzetan 830 ume eta gaztetxotik gora dabiltza, iaz baino bost gehiago hain zuzen ere: 507 udaleku irekietan, 302 kirol ekintzetan eta 22 kanpamendu teknologikoan. Umeak zein gaztetxoak "izugarri gozatzen dabiltzala" adierazi dute Udal ordezkariek.
Udaleku irekiak, kirol ekintzak, kanpamendu teknologikoa... izan dute uztaileko egunetan Bergarako neska-mutikoek, eta horiek emandakoarekin pozik agertu dira guztiak, "balorazio ona" egin dutelako begiraleek zein antolatzaileek.
Udalak jakinarazi duenez aurtengo udalekuen gastua guztira izan da 112.328,25 euro eta sarrerak, berriz, 61.297,24 euro. Iaz, ordea, gastua izan zen 114.958,11 euro, eta sarrerak, 44.673,41 euro.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.