Antza, leiho batetik sartu dira, barroteak indarrez ireki ondoren. Ertzaintzaren iturrien arabera, kotxeko katu bat erabili dute jatetxera sartzeko. Ugazabek, ez dute ezer faltan bota. Ertzaintzak, 21, 23 eta 25 urteko hiru gizonezko atxilotu ditu Arrasaten, gertakariarekin lotura dutelakoan.
Bart, goizeko hirurak inguruan Bergarako bizilagun baten deia jaso du Ertzaintzak, jatetxe baten barruan jendea zebilela ohartarazten. Patruila tokira iritsi direnerako, baina, egileak joanak ziren. Ertzaintzak jatetxea ikuskatzen ziharduen une berean, beste patruila batek auto bat gelditu du Arrasaten, gertakariarekin lotura izan zezakeelakoan. Barrua miatu ondoren eta barruan Bergarako jatetxeko leihoa zabaltzeko erabilitako katua zegoela ziurtatu ondoren, autoan zihoazen hiru gazteak atxilotu ditu.
