Julen Irizarrek kilometro asko egin ditu ihes eginda, beste bi txirrindularirekin batera, Euskadi taldeko Txomin Juaristi eta Caja Rural taldeko Mauricio Moreira. Helmugara baina, bakarrik iritsi da 23 urteko gazte bergararra. Tropela oso hurbil zeukala 4:30:18.120 denborarekin helmugaratu da Irizar.
Bergararrak 23 urte ditu eta 2017an igo zen profesional kontinental mailara Euskadi Murias taldearen eskutik. Jon Odriozolaren taldearentzako denboraldiko bosgarrena izan da gaurkoa.
Txomin Juaristi lurrera
03:18:17an Euskadi Murias taldeko ibilgailua Irizarri ura ematera hurbildu denean, Juaristiren gurpila jo eta lurrera bota du. Hala ere, ikus-entzuleek azaldu dutenez, ihes egindako beste bi txirrindulariek itxaron egin diote eta Euskadi taldeko txirrindulariak lasterketan jarraitu du.
Iturria: Twitter (@hiruhandiak)
