'Ahobizi'-ak eta 'belarriprest'-ak erakusteko argazki lehiaketa Bergaran

Euskaraldiaren bueltan, argazki lehiaketa antolatu dute aurtengo udarako: "Irudimena erabilita, adierazi beharko da argazkian ahobizi edo belarriprest izango zaren". Argazkiak irailaren 16ra arte bidali ahalko dira; bergaraeuskaraldia@gmail.com helbide elektronikora edo Whatsapp bidez 605 71 24 69 telefono zenbakira.

Bergaran zein munduko beste edozein tokitan atera daiteke argazkia, eta harekin batera azalpena gehitu beharko da, euskaraz –non eta noiz atera den eta gaiaren esaldi bat–. Argazkian agertzen direnek Bergarakoak eta 18 urte beteta dituztenak izan beharko dute.

Antolatzaileek Facebooken –Euskaraldia Bergara–, Twitterren –@bergaraeuskaral– eta Instagramen –Euskaraldia Bergara– partekatuko dituzte argazki batzuk. Sariari dagokionez, Euskal Herriko produktuz osatutako otarre bat izango da.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.