Zirkulazio eta gidatzeko baimenen helbide aldaketak, Udalaren bitartez

Maialen Santos 2018ko uzt. 17a, 12:40

Aurrerantzean Bergarako Udalak eskumena izango du zirkulazio-baimen eta gida baimenen helbide-aldaketak egiteko, Gipuzkoako Probintziako Trafiko Buruzagitzaren eta Bergarako Udalaren arteko lankidetza Hitzarmenari esker.

Hala, Bergaran erroldatuta dagoen eta Bergarako Udalari bere gidabaimeneko edota bere ibilgailuaren zirkulazio-baimeneko helbidea aldatzeko baimena ematen dion pertsona fisiko oro baliatu ahal izango da aukera honetaz. Udalak bere gain hartzen du kudeaketaren kostua.

Hauek dira aldaketak egin ahal izateko aurkeztu beharreko agiriak:

1. Gida baimen edo/eta zirkulazio baimenen helbide-aldaketa egiteko baimen-inprimakia (F0138) behar bezala beteta. Inprimaki hau emango da biztanleen erroldan alta edo helbide aldaketa egiten denean. Gida baimenaren helbidea aldatu nahi izanez gero, titularrak sinatu beharko du eskaera. Zirkulazio-baimenaren helbidea aldatu nahi izanez gero, ibilgailuaren jabe titularrak sinatu beharko du (titular bat baino gehiago badira, lehenengoak egin beharko du).

2. Gidabaimenaren edo/eta zirkulazio-baimenaren titularraren identifikazio agiria: NAN, AIZ (Atzerritarren Identifikazio Zenbakia) edo pasaportea.

3. Gida baimenaren helbidea aldatu nahi izanez gero, gida baimena.

4. Zirkulazio-baimenaren helbidea aldatu nahi izanez gero, zirkulazio-baimena.

Informazio gehiago nahi izanez gero, harremanetarako telefonoa: 943 452 000 -  Gipuzkoako Trafiko Buruzagitza

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak