Santutxuko Cherry Boppers taldeak hartu zuen bart Berumuga jaialdiko testigua, eta erritmo dantzagarriz eta goxoz betetako emanaldia egin zuten. Soul eta funky nahaste instrumentala taularatu zuten, eta euren azken lana den For dancers only diskoa ezagutzera eman zuten Espoloiko ikusleen aurrean.
2004ean sortutako talde hau aitzindari izan zen James Brown bezalako maisuen doinuak Euskal Herrian zehar zabaltzen, eta jada zortzigarren lana plazaratu dute.
Atzokoan emanaldi solidoa eskaini zuten, besteak beste, piano doinu finei eta kalitatezko haize sekzioari esker.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.