"Aurrerapen handia" Larramendi industriaguneko lanetan

Larramendi industriaguneko eraikin berriak bisitatu dituzte gaur, uztailak 5, Bergarako alkate Elena Letek eta Sprilur-eko zuzendari Txaber Ourok. Duela hamaika hilabete hasi ziren lanak eta, adierazi dutenez, "aurrerapen handia" eman da. Irailean emango dituzte Larramendirako planaren zehaztasun guztiak.

Larramendi industriagunean pabilioi eta bulego berriak eraiki dira. Hain zuzen ere, C partzelan, industrial eraikin berriaren 7.650 metro koadroko azalerarekin, 17 pabiloi eraiki dira. Eta K partzelan, bulego eraikinentzat 765 metro koadroko eraikina –hiru solairu–.

Elena Letek azpimarratu du Bergararen garapen ekonomikorako Larramendiko proiektuak duen garrantzia; eta Txaber Ourok nabarmendu du industriagunea eraikitzeko Bergarako Udalarekin izan den elkarlana. Pozik agertu dira biak obren emaitza ikusita. 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.