Musika, omenaldiak eta sari banaketak, San Juan auzoko jaietan

Eneko Azurmendi 2018ko eka. 24a, 16:40

Festa giroan ospatu dituzte San Juan auzoko jaiak, eguzkiaren eta beroaren laguntzarekin. San Joxepeko
abesbatzak kontzertua eskaini du jendez lepo egon den ermitan. Bukatzean, 80 urtetik gorakoei omenaldia egin diete plazatxoan, aurreskuarekin. Ekain Lazkano jaioberriari ere egin diote omenalditxoa. Ondoren, VII. Lore Sorta Lehiaketako eta Ortu Lehiaketako sariak banatu dituzte.

Lore Sorta Lehiaketari dagokionez, auzoko sortarik onenaren saria Marijo Igartuarentzat izan da, eta kaleko sortarik onena, berriz, Belen Tortajadak jaso du.

Ortu lehiaketan 13 ortuk hartu dute parte, eta irabazlea Atxotegi baserriko Juango Moreno izan da. Azkenik, lehiaketetako partaideen hainbat sari zozketatu dituzte.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak