Kirola abiapuntu hartuta, festa eta elkartasuna

Txomin Madina Milikua 2018ko eka. 23a, 22:25

Atzo eta gaur Bergaran egin duten Mahonero Asteburuak denboraldia festa giroan ixteko aukera eman die Bergarako Kirol Elkarteko futbol saileko kide, ordezkari eta ingurukoei. Gaur arratsaldean egindako sari banaketaren barruan 10.000 euro eman dizkiete bergararrek  Aspanogikoei, Gipuzkoako Haur Minbizidunen Gurasoen Elkartekoei.

Gustura zegoen Bergarako Kirol Elkarteko futbol saileko presidente Iosu Elortza gaur Mahonero Asteburuaren barruan egin duten bazkariaren eta sari banaketaren ostean: "Atzo arratsaldean hasi ginen eta gauean jende asko ibili zen bai afaltzen eta baita kontzertuetan ere. Eta gaur ere karpa betetzea lortu dugu, giro onean".

Hirugarren urtez antolatu dute mahoneroen festa futbol sailekoek, eta aurtengoak izan du berezitasunik: dagoeneko sendatuta dagoen Xabi Azkargortaren kasua dela eta, zozketa bat antolatzea pentsatu zuten eta batutako dirua Aspanogiri,Gipuzkoako Haur Minbizidunen Gurasoen Elkarteari ematea. Eta gaur jaso dute elkartekoek lortutako dirrua, 10.000 euro. Ekitaldian egon da Bittor Andonegi, Aspanogiko presidentea, eta esker oneko hitzak adierazteaz gain, azaldu du dirua ikerketarako bideratuko dela.

Hauek dira zozketan irabazle irten diren zenbakiak:

1. saria: 6.001 (ordezkoa, 7.934)

2. saria: 4.256 (ordezkoa, 6.046)

3. saria: 6.333 (ordezkoa, 1.927)

Denboraldian egindako lanari eta jarrerari errekonozimendua

Ohiturari jarraituz, futbol saileko hainbat jokalari, entrenatzaile, jarraitzaile eta erakunde ere saritu dituzte denboraldian zehar egindako ekarpenengatik. Behean, irabazleen zerrenda.

Entrenatzaile onena (mutilak)

Iosu Díaz, Infantil Txikia

Entrenatzaile onena (neskak)

Eva Vergel / María Vergel, Infantila

Jokalari onena (mutilak)

Ion Linacisoro, Ohorezko Erreg.

Martxel Arriaran, Infantil Txikia

Jokalari onena (neskak)

Maialen Esnaola, Erregionala

Mahonero Saria Entrenatzailea (mutilak)

Ibon Leibar, Ohorezko Jubenila

Mahonero Saria Entrenatzailea (neskak)

Eneritz Gonzalez, Infantil Gazte

Mahonero Saria jokalaria (mutilak)

Paul Valgañón, Preferentea

Mahonero Saria jokalaria (neskak)

Idoia Herrán, Erregionala

Mahonero Saria Futbol Eskola

Kepa Roige

Mahonero Saria laguntzailea

Javi Martín

Mahonero Saria bazkidea

Fernando Ibáñez

Mahonero Sari Berezia

Real Sociedad SAD

Aspanogi

Erlazionatuak

Mahonero Asteburua iruditan

Txomin Madina Milikua 2018 eka 24 Bergara

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak