Urte bukaerarako estalkia izango du Boluko frontoiak

Jokin Bereziartua Lizarazu 2018ko eka. 18a, 16:33

Gaur, ekainak 18, hasi dira Boluko frontoia estaltzeko lanak. Goitu Eraikuntzak enpresako langileak ari dira lanean eta obraren aurrekontua da 286.079 eurokoa (BEZ barne). Estalkia jartzeaz gain, mugikortasun zailtasunak dituzten pertsonen irisgarritasuna bermatzeko igogailu bat jarriko da; aurreikusten da lanok bost hilabete irautea.

Udal Gobernuak gogora ekarri duenez, proiektu honek Boluko auzotarren babesa jaso zuen iaz egindako auzo galdeketan. "Lan horren helburua da auzoari eta herriari urte osorako azpiegiturak eskaintzea kirol, aisialdi edo bestelako erabileretarako. Auzotarrek aukeratutako proiektua auzotarrek batzar irekietan, modu parte-hartzailean, egindako ekarpenekin aberastu zuten".

Deck estiloko akabera

Egur laminatuko egitura batekin estaliko da, Deck estiloko akaberarekin. Hego-ekialdeko fatxada erdizka itxiko da horma gortina eta kristal bikoitzarekin. Frontoiko gainontzeko aldeetarako ez da itxiturarik behar izango.

Igogailua ere bai

Horrez gain, plataforma igogailu bat ere ezarriko da harmailen albo batean mugikortasun zailtasunak dituzten pertsonen irisgarritasuna bermatzeko. Plataforma horrek bi metro eta erdiko tartea izango du eta 250 kiloko zama jaso ahal izango du. Horrekin batera, pilotalekua 12 luminariarekin argituko da.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak