Lanbide Heziketako EuskoSkills txapelketan lan aipagarria egin dute Bergarako Miguel Altunako ikasleek; mekatronika alorrean, Edurne Badillo eta Daniel Martins txapeldunak izan dira; CNC torneatze-alorrean Sergio Miguelek hirugarren egin du; eta kontrol industrialean Julen Urreta izan da irabazlea. Badillok, Martinsek eta Urretak 2019ko martxoan Madrilen egingo den SpainSkills txapelketan egongo dira.
Ekimen honen helburu nagusia da, txapelketen bidez, trebetasun eta gaitasun maila handiek arrakasta profesionalari zein garapen pertsonalari egiten dion ekarpen funtsezkoaz sentsibilizatzea.
2018ko edizioan lehen postua eskuratu duten ikasleek aukera izango dute SpainSkills Txapelketan lehiatzeko; 2019ko martxoan, Madrilen.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.