San Martin Agirreko patiorako estaldura, uztail erdialderako jarrita

Udaleko eta ikastetxeko ordezkariak estaldura jarriko den gunearen aurrean. Argazkia: Bergarako Udala.

Aspaldiko eskaera zena betetzeko martxan dago, San Martin Agirre ikastetxeko patiorako estaldura jartzeko lanak hasita daude eta uztail erdirako bukatuta egongo dira. Udalak Aragonesa de Carpas SL enpresari esleitu dizkio lanak eta, 62.045 euroko (BEZ barne) aurrekontuarekin.

Eskola egutegian ikastetxeak erabiliko luke, eta egutegi horretatik kanpo bestelako erabilerak izango ditu. Jarriko duten estaldurak aluminiozko egitura izango du eta estalkia telazkoa izango da. 480 metro karratu izango ditu, eta led argiak ere jarriko dizkiote. Ikastetxeko arduradunan eta erabiltzaileak, eta Udala pozik daude; Udalak azpimarratu du azpiegitura horrek ahalbideratuko duela herriko hainbat ekintza gune horretan ere egin ahal izatea.

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.