Oholtza gainean 300 ikaslek parte hartuko dute. Emanaldiak atal ezberdinak izango ditu: eskolako txikienek biolina joko dute; perkusionistek, txistulariek, trikitilariek eta dantzariek dantza herrikoiak eskainiko dituzte; ondoren, gazte bandaren txanda izango da; abesbatzak Vaiana filmaren kanta ezaguna eskainiko du; azkenik, Musika Eskolako Orkestra Sinfonikoaren txanda izango da. Emanaldia amaitzeko Alazne Jauregik Xalbadorren Heriotzean abestuko du.
Sarrerak 4 euro eta 2 euro
Sarrerak salgai daude Musika Eskolako idazkaritzan, eta egunean bertan leihatilan jarriko dituzte salgai ordubete lehenago. Emanaldia udal pilotalekuan izango da. Prezioa da: helduek 4 euro eta 12 urtetik beherakoek 2 euro.
Afarirako txartelak
Kontzertu ostean ohikoa den afaria egingo dute Seminarioko karpan. Ikasle, irakasle eta gurasoak elkartuko dira. Afarirako txartelak eskuratzeko maiatzaren 30a baino lehen eman behar da izena musika eskolako idazkaritzan. Helduek 18 euro eta ikasleek 7 euro.
Talde lehiaketa egingo dute
Afalostean II.Talde lehiaketa egingo dute. Lehiaketako sariak izango dira: lehenengo taldearendako 200 euro eta bigarren taldearendako 100 euro. Maiatzaren 30era arte eman dezakete taldeek izena lehiaketan.
