Futbol campusa antolatu du BKEk lehen aldiz, Lehen Mailako Ander Caparekin

Ander Capa eta Neymar, artxiboko argazki baten. Argazkia: La Liga.

Sportmadness enpresak eta Lehen Mailako Ander Capa jokalariak Bergara Kirol Elkartearekin adostu dute 8 eta 14 urte arteko neska-mutikoendako futbol teknifikazio udalekuak antolatzea. Ekainaren 25etik 29ra izango da (09:00-14:00) eta izen-ematea zabalik dago; aste osorako prezioa da 89 eurokoa. 

"Proposamena orain egun gutxi iritsi zen Bergara Kirol Elkarteko zuzendaritzara. Denboraz oso justu ibili arren aukera polita iruditu zitzaigun, are gehiago kontuan hartuta Lehen Mailako jokalari baten eskutik zetorrelako. Oso pozik agertu ziren Bergara aukeratu izanaz campusa egiteko", adierazi dute BKEtik. Aste osorako prezioa 89eurokoa da, –84 euroko klubeko jokalarientzat– eta partaideek campuseko ekipazio ofiziala jasoko dute.

Izena emateko: campuscapa@gmail.com helbidean, www.sport-madness.com/capakanpusa webgunean edota 627 882 485 (Aratz) zein 627 341 707 (Beñat) telefono zenbakietan.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.