Bergara Hiria txapelketako finalak, astelehenean

Maiatzaren 21ean, astelehena, jokatuko dituzte Bergara Hiria pilota txapelketako finalak. 17:45ean hasiko da jaialdia, Bergarako Udal Pilotalekuan. Azpimarratzekoa da aurten, lehenengoz, emakumeek hartu dutela parte.

Hain zuzen ere, emakumezkoen finalak jokatuko dituzte lehenik, eta ondoren, gizonezkoenak. Hauek izango dira finalistak: promes mailan, Galeano-Agirre/Gaminde-Romero; eta nagusietan, LarrarteMendizabal/Arrieta-Etxaniz.

Gizonezkoen finalak hasi aurretik, emakumezkoen sari banaketa egingo dute –Udaleko ordezkariak eta Beñat Rezusta izango dira sari banaketan–.

Gizonezkoetan hauek dira finalistak: promes mailan, Osa-Elizegi/Murua-Gaskue; eta nagusietan, Lerena-Otadui/Salaberria-Uriondo.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.