1993ko uztailean sortu zen Bedelkar elkartea. Ordutik, 25 urteko bidea egin du. Bide horretan, eskutik joan da bezeroekin, eta horien fideltasuna saritzeko, jai giroz bete dute Bergarako merkatariek Espoloia. Jatekoa, edatekoa, argazkiak egiteko gunea, kantuan egiteko lekua... "Hasieran ipinitako helburu batzuk bete dira. Beste batzuk, beteko ditugula uste dugu. Baina, horretarako, bezeroen laguntza behar dugu", esan dute merkatariek.
Gaurko ospakizun festa girotzen joateko, Bedelkarreko merkatariek euren dendak apaindu dituzte. Beti ere, elkartearen leloa erakutsiz: Bergaran bizi, herrian erosi, danok irabazi!. Eta, bereziki apaindu dute Espoloia ere: aterkinak, kamisetak, kandelak, frutak... Luntx erraldoia ipini dute herritarren esku. Hara hurbildu direnekin jolasean ibili da aurkezlea.
Eta belarriak goxatzeko, adi-adi entzun dituzte Mery Mayren, Maitaneren, Azkaiter Peloxen eta DJ Elvis Cainoren doinuak.
2018 mai 13 Bergara
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.