Dantza eta antzerkia zuzeneko musikarekin lotzen duen saioa

Garazi Lopez de Armentia eta Aritz Lopez dantzariak. Argazkia: David Hornback

Dantza eta antzerki garaikidean eskarmentua du Doos Colectivo taldeko Eva Guerrero artista bilbotarrak; urrian Leioan estreinatu zuten Guerrerok zuzentzen duen El fin de las cosas ikuskizuna eta bihar, zapatua Bergaran izango da ikusgai. Sarrerak leihatilan eskura daitezke, zortzi eurotan.

Hiru lagun izango dira agertoki gainean: Garazi Lopez de Armentia eta Aritz Lopez dantzariak, eta alboan izango duten Ainara Legardon musikaria. "Unerik gozoenak bizi ez dituen bikote baten istorioa da oinarria. Guerreroren lanen ezaugarria da, oso lan espresiboak direla, ulertzeko errazak; publiko gazte eta helduentzako proposatzen dugu honako hori. 55 minututan, naturako hainbat elementurekin apaindutako oholtzaren gaineko bi dantzari-aktorek Legardonen rock esperimental doinuekin lagunduta, ikuskizun ganberroa eskainiko dute", diote Doos Colectivo elkartekoek.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.