Mus txapelketa, jolasak, musika emanaldiak, auzo afaria, sari banaketa, txokolate-jana... Luze jo zuen atzo gauak Ubera auzoan. Jende mordoa eta oso giro ona izan zutela adierazi du antolatzaile taldeko Erik Cuevas osintxuarrak. "Afaritan ere jende mordoa elkartu ginen. Ehun lagunendako afaria prestatu genuen eta frontoia bete egin zen".
Gauerdian jende gehiago gerturatu zela adierazi du Cuevasek. "Bergaratik etorri zen jendea", adierazi du.
Auzuen Arteko Egunak arrakasta izan duela ikusita jarraipena izango du. "Afaldu ostean hartu zuen lekukoa Angiozarrek", azaldu du Cuevasek.