"Lagunartean elkartu ginen eta izugarrizko giroa sortu zen, baita borroka ere… Elkartutakoen artean zegoen maila kontuan hartuta finalera arte estutu behar izan zen", jakinarazi dute Pol Pol elkarteko eskalatzaileek, eta gaineratu: "Ondoren, nola ez, afari ederra eta gainontzekoak etorri ziren".
Jai giroa aldarrikapenarekin bat egiteko aprobetxatu zuten eskalatzaileek: "Udalari esan gura diogu gurekin ez ahazteko. Gure ustean orain ala inoiz ez da… Orain da unea zerbait txukunagoa lortzeko eta Labegaraietako rokodromoaren betiko arazoak konpontzeko. Eta horretarako, Udalak gurekin kontatu behar du bai edo bai".