Bergarako Udalak eta UNED Bergara Ikastetxe Elkartuak Ekonomia Zirkularrean Trebakuntza: negozio ereduen balioa areagotzeko bideak ikastaroa antolatu dute. Atal teorikoa eta kasu baten azterketa uztartuko dituen trebakuntza bederatzi egunetan emango da -zapatu goizetan-, eta saio bakoitzean modulu ezberdin bat emango da. Aurrematrikula egiteko epea dagoeneko zabalik dago.
Negozio zirkularra sortzeko behar den ezagupen zehatza jasotzea nahi dutenentzako ikastaroa eskainiko du UNED Bergara Ikastetxe Elkartuak. Ikasleek ikuspegi integral bat jasotzea nahi da, proiektu pertsonaletan Ekonomia Zirkularraren parametroak aplikatzeko.
Bederatzi modulu izango ditu mintegiak, bederatzi egunetan banatuta. Modulu bakoitza, materia horretan aditua den irakasle batek emango du, eta era berean, gai hori lantzen diharduen enpresa gonbidatua bertaratuko da.
Azkenengo moduluan alderdi zirkularra lantzen duten lanak aurkeztuko dira inbertitzaile ezberdinen aurrean (Venture inbertitzaileak, elkarren bermerako baltzuak, ekintzaileentzat finantziazioa, etab.).
Informazio gehiago UNED-Bergara Ikastetxe Elkartuaren webgunean.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
