Udaletxea itxita egongo da apirilaren 3ra bitartean eta Turismo Bulegoa eta Laboratorium zabalik

Bergarako udaletxea, artxiboko argazki baten.

Hainbat Udal zerbitzu eten egingo dituztela Aste Santuko jai egunetan jakinarazi dute. Hala, udaletxea itxita egongo da (udaltzaingoa salbu) bihartik apirilaren 3a artean (biak barne); Turismo Bulegoa eta Laboratorium museoa, ostera, zabalik izango dira.

Turismo Bulegoa eta Laboratorium museoa, martxoaren 29tik apirilaren 8ra arte (biak barne) egunero egongo dira zabalik 10:00etatik 14:00etara, eta 16:00etatik 19:00etara, bi salbuespenekin: apirilak 1 eta 8, biak igandeak; 10:00etatik 13:00etara zabalduko dira orduan.

Liburutegia itxita egongo da Aste Santuko bost jai egunetan. Pazko Astean, ostera, asteartetik aurrera ohiko ordutegia izango du, 08:30etik 20:30era.

Kirol instalazioei dagokienez, jai egunetako ordutegia izango dute Agorrosinek eta Labegaraietak:
Agorrosin zabalduko da 10:00etatik 14:00etara eta 16:00etatik 20:00etara; eta Labegaraieta, 08:30etik 23:00etara.

Udal Artxiboa itxita egongo da Aste Santuko egunetan, eta apirilaren 3tik aurrera ohiko ordutegiarekin egongo da zabalik: 08:30etik 13:30era eta 14:30etik 17:00etara.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.