Bizikletan ibiltzen ikasi nahi? leloarekin ikastaroa egingo dute apirilaren 14tik 27ra bitartean (bi orduko sei saio, 10:00etatik 12:00etara) eta aste bukaeratan (lau saio, 10:00etatik 12:00etara) Labegaraietako kiroldegian. Izena emateko epea zabalik izango da apirilaren 12 bitartean.
Apirilaren 17an, ostera, Zigor Gartziak diaporama emanaldiak eskainiko ditu eskoletan. Eta Bizikletaren Nazioarteko Egunean, apirilaren 19an, ikastetxera bizikletan joateko dei egingo diete. Bizikletarekin jolasak egingo dituzte eta marrazki erakusketa ere izango dela iragarri dute.