Bergarako Udalak 285.120 euro bideratuko ditu deialdi irekiko diru-laguntzetarako

Herrian sortzen diren ekimenak "sustatu eta indartzea" du helburutzat Bergarako Udalak ematen dituen diru-laguntzak. Iaz baino 8.420 euro gehiago bideratu ditu udalak xede horretarako, guztira 285.120 euro aurreikusi direlarik.

Bergararentzat interesekoak kontsideratzen dituen eremu eta diziplinetarako eman nahi du laguntza Udalak, hainbat elkartek eta entitatek garatzen dituzten askotariko ekintzak hauspotuz.

Bost arlo lagunduko ditu diruz Bergarako Udalak: Gizarte zerbitzuak, Kultura saila, Kirol zerbitzua, Ingurumen saila eta ekonomia-sustapena.

2018ko aurrekontuetan 285.120 euro horrela bideratuko dira:

Gizarte zerbitzuak:

1. Garapenerako lankidetza-programak lantzen dituzten Gobernuz Kanpoko
Erakundeentzako (GKE) diru-laguntzatarako 46.488 euroko partida zehaztu da.(2017an 55.250 euroko partida izan zen).
2. Gizarte zerbitzuen arloan diharduten elkarteentzako diru -laguntzatarako 25.032euroko partida zehaztu da (2017an 29.750 eurokoa izan zen).
3. Gazteendako alokairu sozialaren diru-laguntzatarako 30.000 euroko partida zehaztu da (2017an eman zen lehenengo aldiz eta 30.000 euro bideratu ziren).

Kultura sailak:

Bergarako Kultura entitateek egiten dituzten urteko jarduerak finantzatzeko laguntza programarako 42.600 euroko partida zehaztu da. (2017an 39.200 euro izan ziren)

Kirol zerbitzua:

Bergarako kirol entitateei ohiko eta ezohiko jarduerak finantzatzeko laguntza edo diru-laguntza programarako 89.500 euroko partida zehaztu da. (2017an 89.500 euro izan ziren)

Ingurumen saila:

Ingurumen entitateek egiten dituzten urteko jarduerak finantzatzeko laguntza programarako 1.500 euroko partida zehaztu da. (2017an ere 1.500 euro izan ziren).

Ekonomia-sustapena:

1. Enpresa berrientzat lokala alokatzeko diru-laguntzatarako 20.000 euroko partida zehaztu da.

2. Bergaran finkatuta dauden enpresak lehiakorragoak izateko azterlan teknologikoak egiteko bideratutako diru-laguntzetarako (Eragin programa) 30.000 euroko partida zehaztu dira. (2017an ere 30.000 euro izan ziren).

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.