Gazte bergararrei emantzipatzen laguntzeko, 30.000 euro

Bergarako ongizate zinegotzi Mari Carmen Barrenetxeak aditzera eman duenez, gazteei zuzendutako alokairurako laguntzak jasotzeko izen-ematea zabalik dago dagoeneko. "Helburua da gazteei emantzipaziorako baliabideak eta laguntza eskaintzea", adierazi du PSE-EEko zinegotziak. Udalak 30.000 euroko partida bideratu du laguntza horietara.

Diru-laguntza horien bigarren urtea da aurtengoa; iaz zortzi bergararrek jaso zuten laguntza. 18 eta 30 urte arte izatea eta Bergaran erroldatuta egon beharko da –azken bi urteetan etenik gabe– laguntza jaso gura duenak eta gehienez 250 euroko laguntza jasoko du –gehienez alokairuaren %50 ordainduko du Udalak–.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.