Bergarak 3-1 garaitu du Amaikak Bat

Bergarak goletako bat sartu zuen momentua.

Ohorezko errgionaleko Bergara futbol taldeak 3-1eko emaitza lortu zuen atzo, Agorrosinen, Amaikak Bat taldearen aurkako partiduan. Golegileak, Ibai Lizeaga, Xabi Jorge eta Aitor de Benito izan ziren.

Partidu osoan zehar Bergara izan zen jaun eta jabe, izan ere, Amaikak Bat taldea baino aukera askoz gehiago izan zituen. Hala ere, partidua azken minutuetan erabaki zen.

Bergararen lehen gola, entseatutako falta baten ostean etorri zen. Golegilea, Ibai Lizeaga izan zen. Bigarren zatian, berriz, aurkariek berdindu egin zuten partidua, eta norgehiagoka berdinketarekin amaitu behar zela ematen zuenean, beste bi gol etorri ziren. Lehena, 90. minutuan, Xabi Jorgek sartu zuena, eta azkena, berriz, 92 minutuan izan zen, Aitor de Benitorena, biak Jon Linazisororen pasez.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.