"Momentua eta urtea oso bereziak dira guretzako. Hainbeste emanaldi egin ostean Seminarixoan azkena egitea oso berezia izan da guretzako. Zentzua dauka azkena hemen egiteak, obraren idazlea Seminarioko lehen zuzendaria izan zelako. Baina ez hori bakarrik, XVIII. mendeko Seminario horretan, zientziaz gain antzerkiak eta arteak leku handia eduki zuen, eta guretzako modu aproposa izan da herriari eskertzeko eta momentu eder bat pasatzeko" azaldu Miguel Angel Elkoroberezibarrek
Gaurkoan 20 bat antzezle eta bost musikari izan dira obrari gorputza eman diotenak. Azken aldiz, duela ia hiru urte antzeztu arren, bizpahiru entsegu nahikoa izan dira agertokira segurtasunez beteta igo ahal izateko. Ia bi ordu iraun duen emanaldian, ordu laurdeneko atsedenaldia egin dute, eta tostoiak eta ardo goxoa banatu dituzte ikusleen artean.