Hitzak marraztea sentimenduak adierazteko modu bat dela azaldu du Sara Galanek. Hitzak askotariko forma edo figuratan transforma daitezke marrazten hastean. Eta, hain zuzen, horixe egiten erakutsi du gaur Bergaran. Oinarrizko ikastaroa eskaini du. Parte-hartzaileak gustura geratu dira gaurko saioarekin eta maiatzean beste bat egitekotan geratu dira.
Lettering-ean erabiltzen diren errotuladoreak nolakoak diren eta zela erabili behar diren azaldu du Galanek. Horrez gain, beste trukotxo batzuk ere erakutsi ditu: adibidez, bi kolorerekin nola margotu hitz bat.
