Martitzenean, hilaren 20an, Soraluze lau t'erdiko pilota txapelketako laugarren jaialdia jokatuko dute, 19:30ean hasita. Promes mailan, Egigurenek eta Biainek jokatuko dute –azken horrek lesionatuta dagoen Muruaren lekua beteko du–; nagusien mailan, Zubiriak eta Elolak neurtuko dituzten indarrak.
Hilaren 13ko emaitzak
Aste honetako emaitzak izan dira: promesetan, Expositok 22-11 irabazi zion Seini. Expositok indar handiagoa duela erakutsi zuen, eta samur irabazi zuen. Nagusien mailan, berriz, partidu polita jokatu zuten: Salaberriak 22-21 irabazi zion Lerenari. Teknika abiadurari nagusitu zitzaion
