Euskal kantutegiari errepasoa egingo diote 'Ez dok hiru' ikuskizunarekin

Arantzazu Ezkibel Galdos 2018ko ots. 16a, 11:32
Argazkia: Tartean Teatroa.

Zenbat euskal kantu ezagutzen dituzu, zahar edo berri? Galdera horretatik abiatuta, euskal musikaren imajinario kolektiboan murgilduko dira Tartean Teatroako kideak. Ez dok hiru. Euskal musikaren benetako istorioa emanaldia eskainiko dute Seminarixoan, bihar, 19:00etan.

Publiko helduari zuzendutako emanaldia izango da, umorezkoa, eta euskaraz. Euskal Herriko imajinario musikalaren errepaso ironikoa, absurdoa eta dibertigarria eskainiko dute.

200 abesti

Testua Patxo Telleriak sortu du, eta zuzenean antzeztuko dute Telleriak berak eta Mikel Martinezek; eta, beste hiru musikari-aktorerekin partekatuko dute taula. Gainera, zuzeneko musikarekin indartuko dute eszena. Ezagutzen ditugun euskal kantak, bai zaharrak eta baita berriak ere, uste duguna baino gehiago direla diote Tartean Teatroako kideek. Ikuskizunerako, adibidez, 200 abesti aukeratu dituzte.

Emanaldia Seminarixoan izango da, bihar, zapatua, 19:00etan, 8 euroren truke.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak