BKEko zuzendaritza taldeko Manu Diazek kronika bat eskaini dio Azkargortari, Crónicas mahoneras blogean: "Ez da BKEren ekimena izan, lagunek eurek hartutako iniziatiba izan da", argitu du Diazek.
Lagun eta jokalariengandik irtendako erreakzioa
Diazek azpimarratu gura izan du Azkargorta arriskutik kanpo dagoela: "Ez dugu alarma sortu nahi, baina keinua ederra izan da. Kadete mailako taldekide guztiez gain, beste jokalari batzuk ere moztu dute ilea eta baita futbolean aritzen ez diren batzuk ere –gazte mailako bigarren taldea, adibidez–, neskak tartean. Hemen sartu ginenean, argi genuen gure lehentasuna ez dela partiduak irabaztea, heziketak berebiziko garrantzia daukala. Emaitza ondorioa da, ez helburua. Giro ona sortu da eta ederra da ikustea ezbehar edo gaixotasun baten aurrean halako erreakzio bat ikustea".
