Atzelariei lan gehiago egitea tokatu zaie

Zapatu arratsaldean jokatu zituzten finalak Bergarako udal pilotalekuan

Gazte eta senior mailetako finalak jokatu dituzte Bergarako udal pilotalekuan Euskal Ligako nesken txapelketaren barruan. "Maila handia eman dute neskek, partidu onak izan dira oso. Pena da jende oso gutxi etorri dela ikustera. Euskal ligako finalak izanda jende gehiago espero genuen ikustea frontoian", adierazi du Reyes Azkoitiak.

Anoetako Suberri elkarteko pala jokalarian bi finalak jokatu dituzte; gazte mailakoa irabazi egin dute Mendillorrikoen kontra (Leire Galdos eta Miriam Arrillaga (Suberri) 30-21 (Mendillorri) Amaia Espinal eta Leire Azanzaeta) seniorretakoa berriz galdu (Nagore Martin eta Maider Mendizabal (Suberri) 17-30 (Errekaleor) Nagore Martin eta Laura Saez) Errekaleorren aurka. Zapatu arratsaldean izan ziren partiduak Bergarako udal pilotalekuan.

Seniorren partidua, emaitzak erakusten duen baino partidu lehiatuagoa izan zan. Hasieran aise nagusitu ziren Errekaleorrekoak, eta partidu laburra izango zela zirudien. Dana dala, Errekaleorrek 10 tanto inguru eginda zituenean indarberritu ziren Suberrikoak eta tartea mozten hasi hasi ziren. Partidu erdian, hasierako  hasierako jokoa berreskuratu zuen partiduak. Hutsak gero eta ugariagoak ziren alde bietan; nekea nabaritzen zitzaien jokalariei.

Suberriko atzelari Maider Mendizabal arriskatzen ibili zen partidu osoan eta gauzak ondo atera zitzaizkionean tartea mozten lortu zuten. Bestelakoetan, baina, Errekaleor-ekoak distantzia handitzen zuten berriro. Jokua asko zentratu zen atzelariengan, eurak izan ziren protagonista nagusiak. Bestetik, aipatzekoa  Miren Larrarte, Suberriko aurrelaria, kadete mailan ibiltzen dala eta, tarteka, igarri egin da esperientzia falta.

Seniorren aurretik gazteek jokatu zuten. "Ikaragarriak izan dira bi partiduak. Oso maila altua dutela erakutsi dute neskek eta frontoira etorri direnak ederki gozatu dute. Lastima izan da jende gutxiko etorri dela", azaldu du Reyes Azkoitiak

Erlazionatuak

Euskal Ligako nesken txapelketako finalak Bergarako udal pilotalekuan

Bergara

Euskal Ligako nesken txapelketako finalak jokatu zituzten atzo arratsaldean Bergarako udal pilotalekuan. Antolatzaileek uste baino jende gutxiago j...

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.