Iazko denboraldiarekin alderatuta, txukun dabil Garitanoren taldea. Jarraian irabazitako hiru partiduei esker, sailkapenaren seigarren lekuan egon ziren jardunaldi batean. Egun, 13. Lekuan daude. Leganes ondo dago, baina beste taldeak ere bai. Orohar, Real Madril, Bartzelona, Sevilla, Valentzia eta Atletico Madril kenduta, gainerako taldea guztiek antzerako maila dutela uste du bergararrak.
Leganes futbol taldeak duen gauzarik baliotsuena jokalariak dira. Lehen Mailan indartu eta egonkortu den proiektua da. Hori horrela, taldeko jokalari gehienak jabetzan ditu klubak.
Lehen Mailan bolada onak eta txarrak egoten direla jakitun dira Leganes aldean. Bada, oraingo bide onetik jarraitu gura dute. Eguaztenean Vila-Realen kontra jokatuko dute kopa kanporaketa, eta, domekan, Realaren kontra, ligakoa.
