Bi puntu nagusi aurreikusten ditu atzo sinatutako akordioak. Alde batetik, 1956 eta 1959 urteen artean jaiotako 33 langileren erretiro aurreratua; eta, beste alde batetik, zortzi kaleratze.
Prentsa oharrak dio baita ere, erretiro aurreratua izango duten langileek, langileriaren ordainsari garbiaren %85 bermatuta izango dute, behin betiko erretiroa hartzeko urtebete falta den arte. Gizarte-segurantza ere kotizatuko dute.
Bestalde, borondatezko kaleratzea eskatzen duten langileei dagokien kalteordaina ordainduko dietela ere jasotzen du prentsa oharrak. Interesatuek urtarrilaren 20ra arteko epea dute izena emateko. Ostean, enpresako arduradunek baloratu eta zehaztuko dituzte zeintzuk diren borondatezko zortzi kaleratuak.
Erreferendum bidez
Enpresako Batzordearen proposamena erreferendum bidez onartu zen abenduaren 18an. Batzarrean egon ziren 96 langileetatik, 90ek baiezkoa eman zuten, bostek ezezkoa eta batek zuri bozkatu zuen.