Laugarrenez antolatuko du Kopla Barik bertso eskolak 2017ko Bergarako Bertsolari Txapelketa Nagusia. Abenduaren 28an, 22:00etan jokatuko da Kartzela Zaharrean.
Ikusle ugari erakartzen ditu urtero txapelketak, eta aurtengoan ere hala izatea espero da. Ohi bezala, Ibon Leibar Txinbo arituko da gai jartzaile lanetan, umoreak garrantzia berezi hartuko duen jaialdian.
Herriko zazpi bertsolari izango dira oholtzan: Jon Patxi Aiastui, Jon Altuna Oxan, Unai Aranzabal, Iñigo Arzelus, Gari Lopez de Munain, Asier Kortabarria Moto eta Eñaut Uriarte. Iazko karteletik aldaketa gutxi egongo dira, Moto izango da soilik aurtengo txapelketako aurpegi berria.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
