Parte hartzaileen artean herriko jantzi-dendak, dekorazio dendak, burdindegiak, loradendak, osagarriak saltzen dituzten dendak, ile-apaindegiak, optikak, oinetako eta kirol dendak edo estetika eta lurrindegiak egon dira, besteak beste.
2017ko Erakusleiho Lehiaketako sariak:
1. saria: Gorosti loradenda. Ziurtagiria eta 300 €
2. saria: Amparo ile-apaindegia.Ziurtagiria eta 250 €
3. saria: Izeder eskulanak.Ziurtagiria eta 150 €
4. saria. Herritarren saria: Maka oinetakoak. Ziurtagiria
Herritarren artean saria irabazi duena Marixa Davila izan da eta 50 euro jasoko ditu.
Epaimahaia
Lehiaketako epaimahaia Bedelkar Bergarako Merkatarien Elkarteko ordezkariek, Beart Bergarako Arte Elkarteko ordezkariek, Gipuzkoako Bazkundeko ordezkariek eta Udaleko ordezkariek osatu dute.
Lehiaketarekin herria Gabon garairako girotzea bilatzen du udalak. Bedelkarren Bergara Bizi Gabonetako kanpainaren baitan egiten diren ekintza ezberdinek (atrakzioak, eskulanak, erakusleihoen apainketa, argiak, deskontuak, zozketak,....) "Gabonak alaitzeko" balio dutela uste du Bergarako Udalak. Horrenbestez, herriko komertzioek egiten duten esfortzua "eskertzeko moduan" daudela diote.