'Oa-Huetak' haurrentzako dantza ikuskizuna egongo da gaur Seminarixoan

Itziar Larrañaga Sarasola 2017ko abe. 26a, 10:38
Oa-Huetak-en ikuskizuneko momentu bat.

Elirale konpainiak 2-7 urte bitarteko haurrentzako dantza emanaldia eskainiko du gaur, ireki berri den Seminarixoan. Hiru interpreteren artean pieza koreografiko eta musikala antzeztuko dute euskaraz. Datozen bi egunetan ere beste bi ikuskizun egongo dira Seminarixoan, eta bestalde, Laboratorium-ean ere, familia guztiarentzako aukerak egongo dira aste honetan zehar.

Seminarixoan bi emanaldi eskainiko ditu Oa-Huetak taldeak gaur, martitzena, 17:00etan eta 18:30etan. Gehienez 6 sarrera erosi ahal izango ditu pertsona bakoitzak. Ikuskizunaren ezaugarriak direla eta, leku mugatua egongo da eta gehienez 50 haur sartu ahal izango dira. Famili bakoitzeko guraso bat sartu ahal izango da.

Taldeko hiru interpreteek, Chloé, Oihan eta Paxkalek, Eliraleren selauruan, Lodikroko liburu handia atzeman dute. Altxor bat aurkitzen duten haurrak bezala beraien gazteriaren suhartasunarekin berenganatu dute liburua.

Bihar, abenduak 27, eguaztena, Do re ni family musika, dantza eta jolasak uztartzen dituen ikuskizuna egongo da, Lankuren eskutik. Haurrei, kantuak eta koreografiak ikasi ondoren, oholtzara igo eta benetako artistak izatera jolasteko aukera eskainiko zaie arte eszenikoen bidez. Emanaldi bakarra izango du, 18:00etan. Hurrengo egunean, magiaren txanda izango da. 17:00etan eta 19:00etan Mago Sun famatua egongo da Seminarixoan, txikiak eta handiak harritzeko prest.

Emanaldi guztietarako sarrera 4 euro izango da eta saioa hasi baino ordubete lehenago salduko dira Seminarixoko txarteldegian.

 

Laboratorium museoa

Eskaintza zabala egongo da familientzako Laboratorium museoan Gabon hauetan:

Abenduaren 27an
Biodibertsitatea: biziaren etorkizuna erakusketara bisita gidatua. 12:00etan. Euskaraz. Publiko orokorra.

Abenduaren 28an
Manu Hernandez zientzia dibulgatzailearekin tailerra. 12:00etan. Gazteleraz. Familientzat (haurrak helduekin).

Abenduaren 29an
Biodibertsitatea: biziaren etorkizuna erakusketara bisita gidatua. 12:00etan. Gazteleraz. Publiko orokorra.

Urtarrilaren 3an
Biodibertsitatea: biziaren etorkizuna erakusketara bisita gidatua ipuin kontalariarekin. 11:30etan. Euskaraz. Familientzat (haurrak helduekin).

 

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak