Beart-ek erakusketa zabalduko du hilaren 8an, Aroztegin

Iazko abenduan Beartek zabaldutako erakusketa.

Abendu erdialdean egingo dute erakusketa Bergarako artistek, Aroztegi aretoan. Abenduaren 8tik 17ra jarriko dituzte lanak ikusgai.

"Urtero egiten dugun moduan, Gabonei begira egindako erakusketa izango da", azaldu du Maite Azkargortak, Bearteko kideak.Bazkideen lanak jarriko dituzte ikusgai; guztira, 50 bat bazkideren lanak.

Margolanak eta eskulturak

"Bazkide bakoitzak lan bat jarriko du ikusgai: batzuk pinturak izango dira eta beste batzuk, eskulturak", dio Azkargortak. Ikusgai egongo diren lan gehienak margolanak izango dira, baina bi eskultura ere egongo dira.

Ordutegia

Aroztegiko ordutegia ondokoa izango da: astelehenetik egubakoitzera, 18:00etatik 20:30era; zapatuetan, 12:00etatik 14:00etara eta 18:00etatik 20:30era; eta domeketan eta jaiegunetan, 12:00etatik 14:00etara.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.