Erdigunean autoen zirkulazioa baldintzatuko du bihar Antxintxika Krosak

Soraluze eta Bergara arteko lasterketa izango da bihar, zapatua, 16:30etik 18:30era bitartean. Hortaz, ordu tarte horretan herriaren erdiguneko hainbat kaletan autoen zirkulazioa etenda egongo dela jakinarazi dute Udaletik. Bideberri, Kruz Gallastegi, Irala, Irizar, Fraiskozuri, Juan XXIII, T. Aranzadi, Ibargarai eta Zurradero izango dira kaleok.

Hori dela eta, aipatutako kale horietako aparkaleku edo garajeetatik autoa atera nahi dutenek 16:30ak baino lehenago egin beharko dute.

Bestalde, bi ordu horien tartean Bolura sartu-irtenak egiteko Artekale erabili beharko da; han zango dira bi udaltzain zirkulazio alternatiboa errazten.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.