Urieta zubia berrituko du Diputazioak, garraio berezien zirkulazioa bermatzeko

Jokin Bereziartua Lizarazu 2017ko urr. 30a, 15:07
Urieta zubia.

Gipuzkoako Foru Aldundiak Bergara eta Arrasate artean –Urieta baserria eta Diputazioaren biltegiaren artean– kokatuta dagoen zubia berritzeari ekingo dio egunotan. Garraio berezien zirkulazioa bermatu gura da berritze lanekin; bi hilabete eta erdi iraungo dute, Orion Reparacinn Estructural enpresak 363.000 euroko aurrekontua dauka.

Urieta zubiak ez du garraio berezi batzuen zirkulazioa bermatzen, eta arrazoi horregatik Gipuzkoako Foru Aldundiak zubiaren oinarriak hormigoi pretentsatuko habe prefabrikatuekin indartuko ditu. Gainera, obrak egin bitartean, denboraren paseoarekin hondatzen hasitako elementuak ere konponduko ditu.

Obra honek bi hilabete eta erdiko epea izango du, eta 363.000 euroko aurrekontua. Lana egiteko ardura Orion Reparacion Estructural enpresak dauka.

Obrek iraun artean, bidearen zabalera estutu

Bestalde, Diputaziotik jakinarazi dutenez, egunerokoan ez dute aurreikusten errepideko zirkulazioan eragitea, bidearen zabalera estutu besterik ez delako egingo. Eta salbuespeneko kasuetan –andamioak jartzea, materialen deskarga...– soilik moztuko dute noranzkoetako bat.

 

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak