Auzoko egitasmoaren ikasturte berria martxan

Auzoko egitasmoaren ekitaldia seminarioko patioan.

Euskaratik urruti bizi diren herritarrak euskarara hurbiltzea helburu duen Auzoko ekimenaren 2017-2018 ikasturtea martxan dago. Jardun elkarteak dei egin die herritarrei ekimenera batu daitezen, egitasmoaren parte diren hiru taldeetako baten.

Bestelako helburu batzuk ere baditu Auzokok: hizkuntza ezberdinetako herritarrak harremanetan jartzea euskara kohesio hizkuntza izanik; herritarren arteko harreman sarea lantzea; umeei eskolako lanetan laguntzeko baliabideak eskuratzea; Bergaran bizitzeko euskarazko oinarrizko edukiak barneratzea...

Hiru talde

Jardunek hiru talde jarri ditu martxan: emakumeen integrazioa lantzeko taldea urriaren 23an jarriko da martxan; eguaztenero 10:00etan elkartuko dira udal liburutegian. Egubakoitz goizetako taldea azaroaren 5ean jarriko da martxan; 11:00etan elkartuko dira udal liburutegian. Egubakoitz arratsaldetako taldea, amaitzeko, martxan dago dagoeneko. 18:00etan elkartzen dira udal liburutegian.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.