Azken segunduan hirukoa sartu, eta garaipena Bergararentzat

Xabi Gorostidi 2017ko urr. 15a, 11:00

Bergara-Soraluce taldeak partidu kaxkarra jokatu zuen atzo Labegaraietan Hernaniren aurka, baina amaiera polita izan zuen. Erasoan kamuts aritu ziren bi taldeak, azken markagailuak islatzen duen legez (38-37), baina hiru segundoren faltan Xabat Irazolak sartutako hiruko jaurtiketari esker, garaipena etxean geratu zen.

"Oso partidu txarra egin genuen erasoan. Baloia ez zen inondik inora sartzen, akats asko egin genituen eta baloia ere errez galtzen genuen. Aurreko astean, Astigarragan, oso partidu egin ostean, atzokoa ez zen gure eguna izan" adierazi du Marian Mellado Bergarako saskibaloi arduradunak.

Neurketan guztian zehar alde txikiak izan ziren bi taldeen artean, bi puntukoak asko jota. Azken laurdenean finago aritu ziren bi taldeak erasoan, eta horrek emozioa eman zion partiduari. Hala, amaitzeko hiru segundo falta zirenean 35-37 galtzen ari ziren etxekoan. Baina baloia jokoan jarri, Xabat Irazolari heldu, eta honek sartutako hirukoari esker, garaipena bergararrentzat izan zen (38-37).

"Lau partidutik, bat galdu eta hiru irabazi ditugu. Sailkapenaren goi aldean gaude, eta denboraldia indartsu hastea garrantzitsua da taldearentzat" adierazi du Melladok.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak