Usoa Mendikute bergararrak hamahiru koadroz osatutako erakusketa jarri du Bergarako Hamaika tabernan. Azaro erdialdera arte bisitatu ahalko da erakusketa, martitzenetik domekara bitartean, 13:00etatik aurrera. Esanahi zehatz gabeko koadroak dira. "Ikusleak ematen dion interpretazioan oinarritzen da", dio egileak.
"Kolore bizi zein planoak erabilita eta formetan zehaztasuna eta inprobisazioa nahastuta, eguneroko bizitzan aurkitzen ditudan eta momentu horretan inspiratzen nauten objektu eta irudiak biltzen eta eraldatzen ditut", adierazi du Mendikutek.
Mendikuteren arabera, artelanek ez dute esanahi zehatzik: "Ikusleak irudi bakoitzari ematen dion interpretazioan oinarritzen da; koadro batzuk Bartzelonako Raul Peña margolariarekin egindako elkarlanaren emaitza dira".
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
