Atzerritarrei ere euskara ikasteko aukera, integraziorako tresna gisa

Jokin Bereziartua Lizarazu 2017ko ira. 26a, 17:49
Aisa ikastaroa atzerritarrei dago zuzenduta.

Atzerritik etorri eta euskara ikasteko interesa duten guztiei eskaintza berezi bat egingo zaie Aisa deritzon ikastaroen bidez; euskara ikasten hasteko 60 orduko ikastaro berezi bat antolatu du Udal Euskaltegiak, HABErekin eta Bergarako Udalarekin elkarlanean. Izena eman behar da urriaren 6a baino lehen. "Aukera egokia euskaraz ikasten hasteko eta euskal gizartean integratzeko. Animo!", diote antolatzaileek.

Ikastaroaren zehaztasunak hauek dira:
-60 orduko harrera ikastaroa Bergarako Udal Euskaltegian.
-16 urtetik gorakoendako ikastaroa izango da.
-Astean lau ordu, bi egunetan banatuta: astelehen eta asteazken edo astearte eta ostegun.
-Egunak eta orduak aukeran laga dira oraingoz; hortaz, interesatuek zein komeni zaien adierazi beharko dute eskaria egiteko orrian. Oharra: Eskariak jaso ondoren erabakiko da zein egun eta ordutan izango diren klaseak eta horren berri emango zaie interesa agertu duten guztiei.
-Izena emateko epea: urriaren 6ra arte.
-Ikastaroaren hasiera: urriaren 16an.
-Prezioa: 10 euro. Behin ikastaroa amaituta, itzuli egingo da kopuru hori, ikasleak gutxienez %85eko asistentzia izaten badu.
-Izena emateko tokia (bertara joanda edo telefonoz): Udal Euskaltegia. Barrenkalea, 33 (Irizar jauregia). Telefonoa: 943 76 44 53

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak