Ane Artetxeren harpa doinuak Mariaren Lagundia elizan bihar, egubakoitza

Aitziber Aranburuzabala Juldain 2017ko ira. 21a, 18:01
Ane Artetxe izango da bihar Mariaren lagundia elizan. Arg.: Ane Artetxe

Musika klasikoa oinarri duten emanaldiak herriko txoko ezberdinetan eskaintzea du helburu, Udalaren Kultura Kalean musika zikloak. Eskarmentu handia duen Ane Artetxe izango da bihar, egubakoitza, protagonista.

Donostiako kontserbatorioan hasi zen harpa ikasten zortzi urte zituela, harrezkero Bilboko, Zaragozako eta Bartzelonako kontserbatorioetan ikasi du. Askotariko orkestratako eta taldetako kide izan da, eta Gaztelupeko Hotsak diskoetxearekin bi disko argitaratu zituen: Arpa airean eta Airean arpa. Gaur egun, bi pasioak uztartzen ditu –arpa eta irakaskuntza– Nafarroako Goi mailako Kontserbatorioan eta Donostiako musika eskolan.

Errekalde parkean iragarrita zegoen arren, Mariaren Lagundia elizan izango da bihar, egubakoitza, 19:00etan.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak