Bilera irekia bihar, Bergararen 750. urteurreneko ospakizunetarako

Bergarako San Martin plaza.

2018an 750 urte beteko dira Bergarako udalerriak hiri-gutuna jaso zuela eta urteurren esanguratsu hori aprobetxatu gura dute datorren urterako jarduera eta ekimen bereziak antolatzeko. Hala, Udalak bilera irekia deitu du herritarrei zein herriko elkarte guztiei irailaren 20rako; osoko bilkuren aretoan, 18:00etan hasita.

Datorren urteko ekitaldi horiek helburu zehatza izango dute: "Ekintza horietan gure historia, lorpenak, izaera eta komunitate-indarra jasoko dira. Era berean, urteurren horrek balioko du erakusteko zer izan den Bergara iraganean, nolakoa den gaur egun eta norantz goazen".

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.