Elkartasun kontzertu berezia Bergaran

Bergarako Orkestra Sinfonikoaren emanaldi bat.

Bergarako hainbat herritarren ekimenez, Debagoieneko SOS Arrazakeria, Bergarako Orkestra Sinfonikoa eta Bergarako Udala, Kutxa Fundazioaren laguntzarekin, kontzertu berezia gertatzen ari dira urriaren 28rako. 20:30ean Udal Pilotalekuan izango da.

Bereziak izango dira emanaldia, gaia eta helburua. Izan ere, Alfredo Gonzalez Chirlaquek zuzentzen duen orkestrak, ekitaldirako propio moldatutako piezak eskainiko ditu eta horietako bat izango da Suad Bushnaq konpositorearen Ghadan (Tomorrow) pieza.

Orkestrarekin batera, hainbat bakarlari ariko dira kantuan (Aitor Garitano, Maria Izaga…). Eta narratzaileak ere izango dira: Ugaitz Alegria eta Maitena Salinas.

Batutako dirua, bestalde, Ekialde Hurbileko gatazketatik ihesi doazen errefuxiatuentzako izango da.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.